Ef þú ert í viðskiptum við Teya færðu sjálfvirkar skýrslur sendar með tölvupósti. Þessar skýrslur taka saman gjöld sem dregin eru frá hverri kortafærslu samkvæmt samningi þínum við Teya, sem og upphæðina sem greidd var til fyrirtækis þíns með uppgjöri. Þetta eru ekki reikningar en skýrslan gefur þér skýra sundurliðun. Skýrslurnar gætu einnig innihaldið útistandandi skuldir við Teya.
Teya sendir uppgjörsskýrslurnar á netfangið sem þú skráðir hjá Teya.
- Dagleg uppgjörsskýrsla: Sendar á virkum dögum, að undanskildum helgum og almennum frídögum. Ef ekkert uppgjör er á tilteknum degi verður engin dagleg uppgjörsskýrsla. Þessi skýrsla býður upp á einfalt yfirlit og einblínir á heildarupphæð bunka, fjölda færslna og endurgreiðslna frá deginum áður og samtals greitt uppgjör.
- Mánaðarleg uppgjörsskýrsla: Þessi skýrsla er send í upphafi mánaðar fyrir öll uppgjör sem greidd voru út í mánuðinum á undan. Skýrslan byggir á uppgjörsdagsetningu en ekki færsludagsetningu og inniheldur yfirleitt ekki síðasta dag mánaðarins, þar sem hann er gerður upp næsta virka dag (til dæmis færslur frá 31. júlí eru gerðar upp 1. ágúst). Í skýrslunni má sjá sundurliðun á fjölda færslna eftir kortategund, heildarupphæð færslna, þjónustugjöld og heildaruppgjörsupphæð eftir kortategund, auk þess heildaryfirlit fyrir mánuðinn.
Uppgjörsstillingar
Þú hefur fulla stjórn á tilkynningum sem þú færð vegna uppgjöra. Ef þú vilt ekki fá þessar skýrslur með tölvupósti getur þú alltaf slökkt á því. Hægt er að breyta hvaða skýrslur þú færð sendar, hver fær þær sendar og hvenær bæði á þjónustuvef Teya og Teya appinu. Hafðu samband við þjónustuverið okkar ef þú þarft aðstoð.
Fyrir frekari upplýsingar : Skýrslustillingar.
Hvernig hlaða ég niður skýrslum?
Hægt er að hlaða skýrslum niður í gegnum tölvupóst, Teya appið og þjónustuvefinn okkar.
Tölvupóst
- Opnaðu pósthólfið fyrir netfangið þitt sem er á skrá.
- Leitaðu að fyrirsögninni “Dagleg uppgjörsskýrsla” eða póst frá
noreply@teya.com. - Sæktu PDF skýrsluna sem fylgir með tölvupóstinum.
Teya appið
- Skráðu þig inn í appið og smelltu á Meira > Uppgjör.
- Smelltu á
.
- Veldu samning og annaðhvort Dagleg eða Mánaðarleg.
- Veldu árið, dagsetninguna eða mánuðinn sem þú vilt hlaða niður.
- Smelltu á Sækja.
Þjónustuvefur Teya
- Skráðu þig inn á Þjónustuvefinn og smelltu á Uppgjör.
- Smelltu á
- Veldu samning og annaðhvort Dagleg eða Mánaðarleg.
- Smelltu á Sækja.
Hvað er í skýrslunni
| Upplýsingar | Sundurliðun |
|---|---|
| Upplýsingar um rekstur | Nafn reksturs, Samningsnúmer (MID), Bankareikningurinn sem Teya greiðir inn á og gjöld. |
| Heildarupphæð | Þetta er upphæðin sem verður greidd inn á bankareikninginn að frádregnum gjöldum. |
| Staða uppgjörs | Hvort uppgjörið sé Greitt eða Frestað (fært í seinna uppgjör, yfirleitt með stuttri skýringu á ástæðu). |
| Yfirlit | Samantekt fyrir tímabilið. Sérð upphafstöðu á samningi (fært milli tímabila, jákvæð eða neikvæð staða), sala (allar kortafærslur), endurgreiðslur, endurkröfur og gjöld. |
| Sundurliðun eftir kortategund | Fjöldi færslna og sala eftir kortategund t.d. Visa og Mastercard. |
| Þjórfé | Heildarupphæð þjórfjár sem barst á þessu tímabili (sést bara ef þjórfé hefur verið notað). |
| Sundurliðun eftir útstöð | Ef þú ert með fleiri en einn posa sýnir þetta færslur, sölu og endurgreiðslur fyrir hvert tæki. |
| Nánari upplýsingar | Sundurliðun á því hvernig heildarupphæð er reiknuð, þannig að þú sjáir hvern einasta frádrátt og hvað þú færð í raun útborgað. |
Algengar spurningar
-
Af hverju hef ég ekki fengið skýrsluna mína?
Ef þú finnur ekki daglegu eða mánaðarlegu skýrsluna þína:
- Athugaðu hvort netfangið er hjá Senda yfirlit til
- Athugaðu rusl pósthólfið.
- Leitaðu að
noreply@teya.comí pósthólfinu þínu. - Athugaðu hvort þú sért að nota rétt netfang.
-
Upphæð á skýrslu og það sem ég fékk borgað passar ekki?
Ef upphæðin á bankareikningnum þínum er önnur en þú bjóst við :
- Muna að Heildarupphæðin á skýrslunni er greidd en ekki söluupphæðin.
- Athugaðu hvort það standi greitt eða frestað (ef frestað þá ætti að koma útskýring með skýrslu).
- Berðu saman við færslur úr posa: Færslur sem gerðar eru um nóttina (eftir að posinn hefur unnið færslurnar) geta lent með uppgjöri daginn eftir. Berðu saman uppgjörsskýrslu við stöðu í lok dags á posa og skoðaðu hvort færsla hafi færst yfir.