Hægt er að bæta við Teya-viðbótinni beint í gegnum WooCommerce eða hlaða henni inn handvirkt. Til að virkja viðbótina og tryggja að hún virki rétt skaltu fylgja skrefunum hér að neðan.
Ef þú ert nú þegar með WooCommerce-tengingu við Teya (SecurePay greiðslusíðu) og vilt uppfæra í nýju viðbótina skaltu fyrst fylgja þessum skrefum:
- Nýja viðbótin er önnur en sú eldri. Þú þarft að sækja hana en getur haft báðar viðbæturnar virkar samtímis á meðan þú lýkur uppsetningu þeirrar nýju.
- Sæktu viðbótina Payments via Teya Payments for WooCommerce frá WordPress Plugin Directory . Einnig er hægt að setja hana upp innan WordPress-stjórnborðsins með því að fara í Plugins → Add Plugin → Upload Plugin, hlaða upp .zip-skránni og virkja viðbótina.
- Farðu í Payments og veldu Action needed → Complete setup → Connect to Teya. Skráðu þig inn með notandanafninu og lykilorðinu þínu (sama aðgangi og þú notar í Teya-appinu og á þjónustuvefnum) og veldu síðan samninginn.
- Framkvæmdu prufugreiðslu og endurgreiddu hana eins og venjulega.
- Farðu í Payments, opnaðu gömlu Teya Secure Payment Page-greiðsluleiðina, afhakaðu Enable Teya og vistaðu breytingarnar. Eftir það ættu viðskiptavinir aðeins að sjá nýju greiðsluleiðina.
Myndskeiðið hér að neðan sýnir hvernig á að uppfæra úr eldri WooCommerce-tengingu við Teya í nýju viðbótina. Þar fyrir neðan eru leiðbeiningar um uppsetningu úr viðbótaskrá WordPress og handvirka uppsetningu.
Uppsetning úr viðbótaskrá WordPress
- Skráðu þig inn á WordPress-stjórnborðið.
- Farðu í Plugins → Add New.
- Leitaðu að Teya Payments for WooCommerce í viðbótaskránni.
- Smelltu á Install við Teya-viðbótina.
- Þegar uppsetningu er lokið skaltu smella á Activate.
Handvirk uppsetning á Teya-viðbótinni fyrir WooCommerce
1. Opnaðu viðbótastjórnun
Smelltu á Dashboard, færðu bendilinn yfir Plugins og veldu Add Plugin.
2. Hladdu upp viðbótinni
Smelltu á Upload Plugin. Sæktu viðbótina sem .zip-skrá frá WordPress Plugin Directory og veldu skrána á tölvunni þinni.
3. Veldu viðbótina
Smelltu á Choose File, finndu .zip-skrána sem þú sóttir og veldu hana. Smelltu síðan á Install Now.
4. Virkjaðu viðbótina
Þegar upphleðslu og uppsetningu er lokið skaltu smella á Activate Plugin.
Eftir virkjun birtist viðbótin meðal uppsettra viðbóta. Þá geturðu haldið áfram að tengja hana við Teya-aðganginn þinn.
Ef þú lendir í vandræðum með að greiðsla ljúki getur eldveggur verið orsökin í sumum tilvikum. Sjá bilanagreiningu fyrir Cloudflare og eldveggi í WooCommerce .
Hafðu samband við okkur á hjalp@teya.is ef þú lendir í vandræðum.