Hér eru helstu spurningar sem við fáum frá einstaklingum varðandi Raðgreiðslulán og svör við þeim.
Af hverju var kortinu mínu hafnað?
Hægt er að skoða lánamörk á lánavefnum okkar. Ástæður synjunar geta verið:
- Debetkort ekki leyfð
- Hámarksfjölda lána náð (5)
- Ekki næg kortaheimild fyrir fyrstu afborgun
- Kort útrunnið
- Uppfyllir ekki aldurstakmark (18+)
- Rangar upplýsingar í umsókn
- Ekki næg lánsheimild
- Ef ástæðan fyrir synjun er ekki skýr, hafðu samband við þjónustuver Teya í síma 560-1600 og við skoðum málið með þér.
Er hægt að dreifa greiðslum?
Hægt er að dreifa greiðslum við kaup á vöru eða þjónustu á þægilegan máta með því að stofna Raðgreiðslur hjá Teya. Hægt er að dreifa greiðslum allt frá 2 og upp í 36 mánuði. Starfsmaður söluaðila sér um að stofna lánið fyrir þig þegar það kemur að greiðslu - eða þú velur að dreifa greiðslum í gegnum netið á heimasíðu verslunarinnar.
Allar upplýsingar um kjör á Raðgreiðslulánum Teya má finna í verðskrá okkar: Verðskrá Teya
Hvenær er dregið af kreditkortinu mínu?
Mánaðarlega er dregið af kreditkortinu sem skráð er á lánið frá 15-26. hvers mánaðar fyrir næsta gjalddaga. (Sem dæmi: kort skuldfært 15. nóvember fyrir gjalddaga 2. desember). Ef ekki næst að skuldfæra kortið myndast greiðsluseðill í heimabanka þínum fyrir þig til að greiða.
Hvaða upplýsingar get ég séð inn á Raðgreiðsluvefnum?
Þú getur skráð þig inn á Raðgreiðsluvef Teya með rafrænum skilríkjum til að sjá allar helstu upplýsingar: Raðgreiðslur þínar, mánaðarlegar greiðslur, stöðu lána, afrit af lánasamning og Raðgreiðsluheimild.
Smelltu á hlekkinn til að skrá þig inn: Lánavefur
Get ég greitt upp eða aukalega inn á Raðgreiðslur og hvernig virkar það?
Hægt er að greiða upp eða aukalega inn á Raðgreiðslur með hvaða tegund af korti sem er í gegnum örugga greiðslusíðu okkar á lánavefnum. Það kostar ekkert að greiða aukalega inn á lánið og þú greiðir minni vexti í heildina ef þú greiðir lánið þitt fyrr upp.
Þú getur skráð þig inn hér til að greiða upp eða inn á lánið: Lánavefur
Þarft þú að endurnýja kreditkortið þitt?
Ef þú þarft að endurnýja kreditkortið sem skráð er á lánið, hafðu samband þjónustuver Teya í síma 560-1600.
ATH: Aldrei senda viðkvæmar upplýsingar líkt og kortanúmer í gegnum tölvupóst eða netspjall.