Endurkröfuferlið

Endurkrafa verður til þegar korthafi óskar eftir endurgreiðslu í gegnum bankann sinn. Upphæðin er þá sjálfkrafa dregin frá uppgjöri þínu og birtist í næstu uppgjörsskýrslu.

Þú færð tilkynningu í tölvupósti frá Teya. Þú hefur 7 daga til að svara. Ef þú þarft meiri tíma færðu áminningu og 7 daga viðbótarfrest.

Svona bregst þú við

• Samþykkja endurkröfuna: Þú þarft ekki að gera neitt.
• Mótmæla endurkröfunni: Svaraðu tilkynningarpóstinum með viðeigandi gögnum.

Gögnin þurfa að vera:

• á ensku
• á PDF- eða JPEG-sniði
• send sem viðhengi, ekki vefslóð

Ef þú svarar ekki innan frestsins eða sendir ekki inn gögn verður endurkrafan samþykkt og fjármunirnir endurgreiddir korthafa.

Stig endurkröfu

Stig 1: Endurkrafa stofnuð (e. Initiation)

Upphæðin er dregin af uppgjöri þínu. Þú getur samþykkt endurkröfuna eða sent inn gögn til að mótmæla henni. Ef þú samþykkir hana eða missir frestinn endar málið hér og endurkrafan tapast. Fjármunir eru þá skilaðir til korthafa.

Stig 2: Höfnun endurkröfunnar/málsins (e. Disputed)

Teya sendir gögnin þín til kortafélagsins, svo sem Visa, Mastercard eða Amex. Málinu lýkur ef korthafi samþykkir mótmælin eða svarar ekki innan frests.

Stig 3: Korthafi hefur tekið málið lengra (e. Pre-arbitration)

Ef korthafi hafnar mótmælunum geturðu annaðhvort samþykkt endurkröfuna eða haldið áfram að mótmæla. Það er aðeins hægt ef öll skilyrði fyrra stigs voru uppfyllt. Viðbótargjald að upphæð 500 EUR leggst á þann sem tapar.

Eftir þetta fær korthafi síðasta tækifærið til að taka málið í gerðardóm eða samþykkja endurkröfuna.

Stig 4: Gerðardómur (e. Arbitration)

Þetta er lokastigið og er afgreitt af kortafélaginu. Það fylgir viðbótarkostnaður og áhætta. Ef þú tapar er endurkrafan dregin af uppgjöri þínu ásamt 500 EUR gjaldi.

Hvað gerist þegar ég fæ endurkröfu?

Þú munt fá sjálfvirkan tölvupóst á netfangið sem þú skráðir hjá Teya þar sem þér er tilkynnt að fyrirtækið þitt hafi fengið endurkröfu. Þessi tölvupóstur mun veita upplýsingar um endurkröfuna og tilkynna þér að upphæðin hafi verið skuldfærð. Þú hefur 7 daga til að svara póstinum og áminningarpóstur verður sendur með 7 dögum til viðbótar ef þörf krefur.

Ef þú vilt mótmæla endurkröfunni verður þú að senda okkur viðeigandi gögn. Teya mun aðstoða þig í deiluferlinu.

Ef mótmæli eru samþykkt er endurkröfuupphæðinni skilað aftur til uppgjörs. 

Af hverju er upphæð endukröfunnar önnur en upprunalega greiðslan?

Teya dregur upphæð færslunnar af reikningi þínum fyrir hönd kortafélaganna.

Algengar ástæður fyrir mismunandi upphæðum:

• Gjaldeyrisviðskipti: Ef greiðslan krefst gjaldeyrisviðskipta mun gengið við kaup líklega vera annað en gengið við endurkröfu.
• Hluti endurgreiðslna: Þú gætir hafa boðið upp á endurgreiðslu að hluta til, en korthafi kærði alla greiðsluna.
• Hlutaendurkröfur: Korthafi kærir aðeins hluta af heildarfærslunni.

Dæmi um gjaldeyrisviðskipti:

1. Kortaeigandi greiðir 20.000 ISK. Við greiðslutímann er gengið þannig að korthafi sér um 120 GBP á yfirliti sínu. Söluaðilinn sér 20.000 ISK á uppgjörsskýrslu sinni.

2. Eftir nokkra daga krefst korthafi endurgreiðslu fyrir þessa færslu að upphæð 120 GBP. Þá hefur gengið breyst (120 GBP = 20.870 ISK). Því fær söluaðilinn nú endurkröfu að upphæð 20.870 ISK.

3. Í þessu tilfelli eru upprunalega greiðslan og endurkrafan sama upphæð í gjaldmiðli kortsins (GBP), en upphæðin sýnd í ISK fyrir söluaðila er önnur vegna gengisbreytinga milli dagsetninganna.