Þú getur stillt posann þinn til að prenta kvittanir sjálfkrafa eftir hverja sölu eða prentað þær handvirkt þegar beðið er um það. Þú getur einnig skoðað og sótt rafrænar kvittanir af Teya aðganginum þínum.
Áður en þú byrjar
- Gakktu úr skugga um að posinn þinn sé með að minnsta kosti 15% hleðslu. Prentun er óvirk ef rafhlaðan er of lág.
- Gakktu úr skugga um að nægur pappír sé á posarúllunni.
Posarúllan
Teya posar nota staðlaðar hitanæmar posarúllur með eftirfarandi eiginleikum:
- Breidd: 57 mm
- Þvermál: 40 m
Teya selur ekki posarúllur. Þú getur keypt posarúllur í öllum helstu skrifstofuvöruverslunum. Endilega hafðu samband við þjónustuver Teya ef þú ert óviss um stærðina sem passar í þinn posa.
Deiling kvittana eftir greiðslu
Eftir að greiðsla er samþykkt mun skjár posans bjóða upp á þrjár aðgerðir. Þú getur valið þann valkost sem hentar viðskiptavininum best:
- Prenta: Prentaðu pappírseintak af kvittuninni fyrir viðskiptavininn.
- Deila: Deildu kvittuninni rafrænt með QR kóða, SMS eða tölvupósti.
- Loka: Lokaðu kvittunarskjánum án þess að prenta eða deila.
Hvernig deili ég kvittun með NFC?
- Bíddu eftir því að
samþykkt kemur og Snertu með símanum til að fá kvittun birtist á skjánum.
- Biddu viðskiptavininn um að halda snjallsímanum sínum upp að NFC svæðinu á posanum, sem er sama svæði og er notað fyrir snertilausar greiðslur.
- Rafræn kvittun flyst sjálfkrafa yfir í snjallsímann.
Mikilvægt: Að deila kvittunum með NFC er eingöngu í boði í Teya Plús posum. Þessi möguleiki er ekki tiltækur í öðrum posum.
Að setja upp sjálfvirka prentun
Þú getur valið að prenta kvittun söluaðila sjálfkrafa eftir hverja færslu.
- Ýttu á Teya táknið efst til vinstri á skjánum.
- Veldu Greiðslustillingar.
- Sláðu inn PIN stjórnanda.
- Undir Kvittanir, hakaðu við Kvittun söluaðila.
Þegar þetta er virkjað prentast kvittunin sjálfkrafa. Þú færð þá upp skilaboð með spurningu um hvort þú viljir prenta eintak fyrir viðskiptavininn. Til að stöðva sjálfvirka prentun skaltu fylgja sömu skrefum og afhaka kvittun söluaðila.
Fela fullt heimilisfang á kvittunum
Þú getur valið að fela heimilisfang fyrirtækisins á kvittunum til viðskiptavina, en einungis í posanum. Þegar þessi stilling er virk munu kvittanir aðeins sýna borg og land.
- Ýttu á Teya táknið efst til vinstri á skjánum.
- Veldu Greiðslustillingar.
- Undir Kvittanir, hakaðu við Fela heimilisfang á kvittun.
Mikilvægt: Ekki er hægt að breyta eða stækka leturstærð á prentuðum kvittunum.
Að endurprenta kvittanir úr færslusögunni
Ef þú prentar ekki kvittun strax, eða ef viðskiptavinur þarf afrit síðar, getur þú prentað hana úr færslusögunni.
- Ýttu á Teya táknið efst til vinstri á skjánum.
- Veldu Færslur og endurgreiðslur.
- Sláðu inn PIN stjórnanda.
- Finndu færsluna í listanum og smelltu á hana til að skoða frekari upplýsingar.
- Veldu Kvittun viðskiptavinar eða Kvittun söluaðila.
- Smelltu á Prenta.
Að sækja rafrænar kvittanir í Teya appinu
Þú getur sótt rafræn afrit af kvittunum fyrir bókhaldið þitt í Teya appinu. Þessi eiginleiki er í boði fyrir notendur með hlutverk prókúruhafa, stjórnanda eða bókara.
- Opnaðu Teya appið og veldu Sala í valmyndinni neðst.
- Veldu Færslur efst á skjánum.
- Þú getur leitað eftir síðustu 4 tölustöfum kortsins, eða síað eftir tímabili, samningi, uppruna eða posa.
- Smelltu á færsluna.
- Veldu Skoða kvittun eða Hlaða niður kvittun til að vista hana í tækinu þínu.
Rafræn kvittun inniheldur mikilvægar upplýsingar, eins og dagsetningu, greiðsluupphæð og greiðslumáta.