Fyrstu skrefin með Teya posann

Teya posinn er hannaður til að gera greiðsluferlið einfalt, hratt og áreiðanlegt. Þessi grein hjálpar þér að setja upp nýja posann þinn svo þú getir byrjað að taka við greiðslum af öryggi.

Fyrstu skrefin

Fylgdu þessum skrefum til að kveikja á posanum og hefja uppsetningarferlið.

1. Taktu posann og fylgihlutina úr kassanum.
2. Tengdu posann við rafmagn ef rafhlaðan er að lág (sjá bæklinginn í kassanum fyrir upplýsingar um hleðslutækið fyrir hverja tegund).
3. Haltu inni ræsihnappnum þar til kviknar á posanum og upphafsskjárinn birtist.
4. Gakktu úr skugga um að nafn og heimilisfang samningsins séu rétt á skjánum.
5. Ýttu á Byrja.
6. Veldu það tungumál sem þú vilt nota af listanum og ýttu á Áfram.

Mikilvægt: Ef nafn eða heimilisfang er rangt skaltu ýta á Hjálp, síðan Þekkir þú ekki þetta fyrirtæki? og Skrá út. Þú getur síðan fylgt öðrum virkjunarskrefum neðst á þessari síðu.

Að tengjast Wi-Fi og tryggja öryggi posans

Posinn þarfnast öruggrar nettengingar til að ljúka uppsetningunni. Við mælum með Wi-Fi fyrir hraða og stöðugleika.

1. Bíddu eftir að Wi-Fi skjárinn hlaðist og sýni nálægar nettengingar.
2. Veldu öruggt Wi-Fi net sölustaðarins af listanum.
3. Sláðu inn Wi-Fi lykilorðið og ýttu á Tengja.
4. Bíddu eftir að staðfesting á nettengingu birtist á skjánum.
5. Búðu til 4 stafa PIN stjórnanda þegar beðið er um það. Þett PIN verndar viðkvæmar aðgerðir í posanum þínum.
6. Sláðu inn tölustafina 4 aftur til að staðfesta PIN-númerið þitt.

Þegar PIN-númerið er staðfest birtist skjár sem staðfestir að posinn sé tilbúinn til að taka við greiðslum.

Sérstillingar

Að uppsetningu lokinni leitar posinn sjálfkrafa að hugbúnaðaruppfærslum og sækir stillingar aðgangsins þíns.

1. Bíddu eftir að sjálfvirkri uppfærsluleit ljúki. Ef uppfærsla er tiltæk verður hún sótt sjálfkrafa.
2. Ýttu á Áfram þegar skjárinn segir að posinn sé uppfærður.
3. Skoðaðu flýtistillingagluggann og ýttu á Áfram.
4. Breyttu flýtistillingunum ef þess þarf:

• Nafn posa: Sjálfgefið nafn er „Counter Top Terminal". Veldu Breyta til að breyta því.
• Aðrar kortategundir: Þetta er sjálfkrafa virkt og leyfir þér að taka við AMEX, Discover og Diners kortum. Önnur þjónustugjöld kunna að gilda.
• Kvittun söluaðila: Þetta er sjálfkrafa óvirkt. Kveiktu á þessu til að prenta sjálfkrafa eintak fyrir söluaðila eftir hverja greiðslu. Þú getur einnig prentað daglegar kvittanir úr söluyfirlitinu síðar.
• Þjórfé: Kveiktu á eða slökktu á þjórfé. Þú getur einnig stillt sjálfgefnar þjórfésprósentur og sérsniðið hvernig þjórfésvalkosturinn birtist í greiðsluferlinu.
• Flýtiaðgerðir: Bættu flýtiaðgerðum við greiðsluskjáinn til að vinna hraðar. Þú getur bætt við föstum upphæðum og greiðslutilvísunum, endurtekið síðustu upphæð eða skoðað nýlegar færslur.
• Skipting reiknings: Leyfðu viðskiptavinum að skipta reikningnum, annað hvort með jafnri skiptingu á heildarupphæðinni eða með því að tilgreina sérsniðnar upphæðir fyrir hvern og einn.
• Myntval (DCC): Gefðu erlendum viðskiptavinum kost á að greiða í eigin gjaldmiðli.

Þú getur kveikt eða slökkt á eiginleikum hvenær sem er:

1. Opnaðu valmyndina efst til vinstri á skjánum.
2. Veldu Greiðslustillingar.
3. Veldu einhvern af valkostunum til að virkja eða slökkva á tilteknum eiginleika.

Fór eitthvað úrskeiðis við uppsetninguna?

Ef skrefin hér að ofan virka ekki getur þú notað aðra aðferð til að virkja posann þinn. 

Virkja í gegnum vafra

Notaðu þessa aðferð ef þú ert í tölvu eða ekki með Teya appið.

1. Veldu Fjarinnskráning á skjá posans.
2. Skráðu niður staðfestingarkóðann sem birtist.
3. Farðu inn á id.teya.com/verify í vafra í tölvu eða farsíma.
4. Skráðu þig inn á fyrirtækjareikninginn þinn hjá Teya.
5. Sláðu inn staðfestingarkóðann úr posanum og smelltu á staðfesta.

Skref 4: Veldu samninginn þinn

Þegar aðgangurinn er tengdur mun posinn sýna samninga sem eru tengdir fyrirtækinu þínu.

1. Farðu yfir samningalistann á skjánum.
2. Veldu samninginn þar sem þessi posi verður notaður.

Skref 5: Veldu PIN stjórnanda

PIN stjórnanda verndar viðkvæmar aðgerðir, svo sem að afgreiða endurgreiðslur eða breyta stillingum.

1. Sláðu inn 4 stafa PIN stjórnanda þegar beðið er um það.
2. Sláðu inn PIN-númerið aftur til að staðfesta.
3. Deildu þessu PIN-númeri aðeins með traustum starfsmönnum.

Er þessi posi að koma í stað annars posa?

Fylgdu þessum leiðbeiningum þegar þú ert að skipta út eldri posa fyrir nýjan (til dæmis ef gamli posinn er bilaður eða verið er að uppfæra hann).

Skref 1 – Veldu posann sem á að skipta út

• Kveiktu á nýja posanum.
• Ef þú ert með marga samninga skaltu velja réttan samning (nafn og heimilisfang).
• Á Veldu posa skjánum:
  • Notaðu leitarstikuna ef þörf krefur.
  • Farðu yfir listann yfir posa, þar með talið nöfn og raðnúmer.
  • Veldu posann sem þú vilt skipta út.

Skref 2 – Staðfestu skiptin

• Staðfestingarskjár sýnir nafnog raðnúmer posans.
• Athugaðu skilaboðin:
  • Nýi posinn tekur við eftir uppsetningu.
  • Gamli posinn hættir að taka við greiðslum.
  • Allar eldri færslur eru öruggar í Teya appinu.
• Ýttu á Skipta út til að halda áfram eða Fara til baka ef þú valdir vitlausan posa.

Skref 3 – Stilltu PIN stjórnanda og ljúktu uppsetningunni

• Á skjánum Verndaðu posann þinn með PIN stjórnanda geturðu lesið um hvernig PIN-númerið virkar.
• Alltaf varið með PIN:
  • Endurgreiðslur
  • Greiðslustillingar
• Valfrjáls vörn (sjálfgefið óvirk):
  • Söluyfirlit
  • Færslusaga í þessum posa
• Kveiktu á þeim valfrjálsu stillingum sem þú vilt.
• Ýttu á Stilla PIN stjórnanda, sláðu inn og staðfestu fjögurra stafa kóðann þinn.

Þegar PIN-númerið er staðfest og uppsetningunni er lokið er nýi posinn virkur fyrir greiðslur og gamli posinn er gerður óvirkur.