Ef þú þarft að staðfesta hvort færsla eða endurgreiðsla hafi tekist geturðu skoðað stöðu hennar í posanum eða á þjónustuvefnum okkar. Til að finna tiltekna færslu geturðu leitað eftir dagsetningu eða síðustu fjórum tölustöfum kortanúmers viðskiptavinarins.
Að athuga stöðu í posanum
Þú getur skoðað nýlegt söluyfirlit í posanum þínum. Fylgdu þessum skrefum til að finna tiltekna færslu:
- Ýttu á Teya táknið efst til vinstri á skjánum.
- Veldu Færslur og endurgreiðslur.
- Sláðu inn PIN stjórnanda þegar beðið er um það.
- Finndu færsluna með því að fletta í gegnum listann eða nota leitina. Þú getur leitað að seinustu 4 í kortanúmeri eða síað eftir tímabili, posum, upphæð, stöðu, greiðslumáta eða útstöð. Einnig hægt að leggja kortið að posanum eða nota örgjövann til að finna færslur.
- Smelltu á færsluna til að skoða allar upplýsingar um færsluna.
Að athuga stöðu í Teya appinu eða á þjónustuvefnum
Ef þú ert ekki á staðnum geturðu skoðað sölugögn í Teya appinu eða á þjónustuvefnum í tölvunni þinni.
Í Teya appinu:
- Opnaðu Teya appið og smelltu á Sala í valmyndinni neðst á skjánum.
- Smelltu á Færslur efst á skjánum.
- Veldu færsluna sem þú vilt skoða. Þú getur einnig leitað að seinustu 4 í kortanúmeri eða síað eftir tímabili, samningi, útstöð, tæki, stöðu, greiðslumáta, gjaldmiðli eða upphæð.
- Þú getur séð stöðuna við hliðina á hverri færslu, til dæmis
. Smelltu á færsluna til að skoða frekari upplýsingar.
Á þjónustuvefnum:
- Farðu inn á þjónustuvefinn og skráðu þig inn.
- Veldu Færslur undir Sala í vinstri valmyndinni.
- Veldu færsluna sem þú vilt endurgreiða. Þú getur einnig leitað með síðustu 4 tölustöfum kortsins eða síað eftir tímabili, samningi, útstöð, tæki, stöðu eða upphæð.
- Þú getur séð stöðuna við hliðina á hverri færslu. Smelltu á færsluna til að skoða frekari upplýsingar.
Mismunandi stöður færslna
Þegar þú skoðar færslu muntu sjá eina af eftirfarandi stöðum.
| Staða | Þýðir að |
|---|---|
| Greiðsla/Endurgreiðsla samþykkt | Færslan tókst. |
| Greiðslu/Endurgreiðslu hafnað | Færslan tókst ekki. |
| Greiðsla/Endurgreiðsla ógild | Færslan var ógild af seljanda samdægurs eða sjálfkrafa að kerfinu. |
| Greiðsla/Endurgreiðsla í í vinnslu | Færslan hefur verið stofnuð en bankakerfið hefur ekki enn unnið úr henni. Enn er mögulegt að hún verði afturkölluð og fari því ekki í gegn. |
Af hverju var færslunni hafnað?
Korti viðskiptavinar getur verið hafnað af ýmsum ástæðum. Algengustu ástæðurnar eru:
- Útrunnið kort: Gildistími kortsins er liðinn.
- Ekki næg innistæða: Viðskiptavinurinn er ekki með næga innistæðu fyrir heildarupphæðinni.
- Rangar greiðsluupplýsingar: Viðskiptavinurinn gæti hafa slegið inn rangt PIN númer eða rangar kortaupplýsingar.
- Öryggisathugun: Bankinn gæti hafa merkt færsluna til sérstakrar öryggisathugunar.
- Heimilisfang passar ekki: Uppgefið heimilisfang korthafa stemmir ekki við upplýsingar hjá kortaútgefanda.
- Notkun erlendis: Kortið er ekki opið fyrir færslum erlendis.