Þessi grein útskýrir hvernig samningar hjá Teya virka á Íslandi. Teya býður upp á sveigjanlega samninga án bindingar, þannig að fyrirtækið þitt er ekki bundið í ákveðinn lágmarkstíma.
Hér finnur þú upplýsingar um hvernig þú skoðar samninginn þinn, hvernig samningar tengjast sölustöðum og hvað þarf að gera ef þú vilt loka aðganginum þínum.
Tegund samnings
Teya býður upp á sveigjanlegan samning.
Sveigjanlegur samningur þýðir að:
Það er enginn lágmarksbinditími
Þú getur sagt þjónustunni upp samkvæmt gildandi skilmálum
Engin uppsagnargjöld vegna binditíma eiga við
Að skoða og undirrita samninginn þinn
Þú getur farið yfir og undirritað samninginn þinn rafrænt. Ef undirritunar er þörf birtast skilaboð um það þegar þú opnar Teya appið eða skráir þig inn á þjónustuvefinn.
Hvernig get ég skoðað samninginn minn?
Þú getur skoðað virkan samning hvenær sem er:
Í Teya appinu:
Opnaðu Teya appið.
Ýttu á nafn fyrirtækisins efst á skjánum til að opna hliðarvalmyndina.
Veldu Verðlagning.
Þar getur þú séð upplýsingar um samning, verðlagningu og þjónustugjöld.
Á þjónustuvefnum:
- Farðu inn á þjónustuvefinn.
- Veldu Stillingar í vinstri valmyndinni.
Veldu Verðlagning.
Þar getur þú séð upplýsingar um samninginn þinn, verðlagningu og þjónustugjöld sem eiga við.
Mismunandi sölustaðir
Samningar gilda fyrir allt fyrirtækið þitt, ekki einstaka sölustaði.
- Ef einum sölustað er lokað: Ef þú lokar einum sölustað en heldur fyrirtækinu þínu virku hjá Teya heldur samningurinn þinn áfram. Til að segja alveg upp verður þú að loka öllum sölustöðunum undir fyrirtækinu þínu.
- Ef nýjum sölustað er bætt við: Ef þú bætir við nýjum sölustað tengist hann sama fyrirtæki og fellur undir sama sveigjanlega samning.
Hvernig segi ég upp samningnum mínum?
Ferlið fer eftir því hvaða þjónustu á að segja upp:
Ef þú vilt segja upp vefsamningi þarftu að senda Teya skriflega beiðni í tölvupósti um lokun samnings.
Ef þú vilt segja upp posasamningi er nóg að skila posanum til Teya.
ATH: Ef neikvæð staða er á reikningnum þarf að greiða hana áður en hægt er að loka samningnum. Engin sérstök uppsagnargjöld bætast þó við.