Þessi grein hjálpar þér að ganga úr skugga um að Teya posinn sé tilbúinn áður en þú byrjar að taka við greiðslum. Farðu yfir atriðin hér að neðan til að staðfesta nettengingu, uppsetningu og rafhlöðustöðu svo afgreiðslan gangi snurðulaust fyrir sig.
Áður en þú byrjar
Gakktu úr skugga um að posinn sé tilbúinn til notkunar:
- Nettenging: Athugaðu að posinn sé tengdur Wi-Fi eða farsímanet. Mælt er með Wi-Fi fyrir hraðari og stöðugri afgreiðslu.
- Uppsetning: Staðfestu að posinn sé tengdur við réttan samning og aðgang.
- Rafhlaða: Hafðu posann vel hlaðinn, sérstaklega fyrir annasöm tímabil.
Taka við greiðslu
Sláðu inn upphæðina
- Notaðu talnaborðið á aðalskjánum til að slá inn greiðsluupphæðina.
- Þú getur notað reiknivélina til að leggja saman fleiri en einn lið.
- Athugaðu að heildarupphæðin sé rétt og ýttu síðan á Áfram.
Biddu viðskiptavininn um að greiða
Viðskiptavinurinn velur þá greiðsluaðferð sem hentar þeim best.
- Snertilaus greiðsla (Tap to Pay): Biddu viðskiptavininn um að leggja kortið eða stafræna veskið, til dæmis Apple Pay eða Google Wallet, við snertilausa táknið efst á posanum. Haltu kortinu eða símanum kyrrum við posann þar til hljóðmerki eða staðfesting birtist á skjánum.
- Örgjörvakort og PIN: Biddu viðskiptavininn um að stinga kortinu í kortaraufina. Viðskiptavinurinn slær síðan inn PIN-númerið sitt. Kortið þarf að vera í raufinni þar til greiðslan hefur verið staðfest á skjánum.
Bíddu eftir niðustöðu færslunnar
Eftir að kortið hefur verið lesið sendir posinn beiðni til banka viðskiptavinarins um heimild.
- PIN: Viðskiptavinurinn gæti þurft að slá inn PIN-númer eða staðfesta greiðsluna í símanum sínum.
- Staðfesting: Ekki fjarlægja kortið og ekki fara af skjánum fyrr en skilaboðin Samþykkt eða Hafnað birtast.
Kvittun
Þegar greiðslan hefur verið samþykkt getur þú boðið viðskiptavininum kvittun.
- Kvittun viðskiptavinar: Skjárinn sýnir kvittunarmöguleika. Kvittunin getur prentast sjálfkrafa eða þú þarft að velja Prenta, eftir stillingum posans.
- Kvittun söluaðila: Sjálfgefið er að kvittun söluaðila prentist ekki til að spara pappír. Þú getur skoðað kvittanur í færslusögunni eða breytt stillingunum þannig að hún prentist sjálfkrafa.
Samþykktir greiðslumátar
Teya posinn tekur við eftirfarandi greiðslumátum:
- Snertilaust: Plastkort og stafræn veski (Apple Pay og Google Wallet)
- Örgjörvakort og PIN: Hefðbundin kort með örgjörva.
- Auka þjónustugjöld: Hægt er að taka við American Express, Discover og Diners ef þjónustan hefur verið virkjuð í stillingum posans. Athugið að aukagjöld geta átt við.