Endurkröfuferlið

Þessi grein hjálpar þér að skilja ferlið við endurkröfu og hvaða aðgerðir þú þarft að grípa til þegar korthafi framkvæmir endurkröfu. Farið er yfir hvað gerist á hverju stigi, hvernig á að bregðast við og hvað má búast við frá kortafélögum (Visa, Mastercard, Amex, t.d.) og Teya.

Stig endurkröfu

Stig 1: Endurkrafa stofnuð (e. Initiation)

Korthafi gerir endurkröfu með því að hafa samband við sinn banka og útskýrir hvers vegna hann vill fá endurgreiðslu. Upphæð endurkröfu er dregin af reikningi þínum. Þú getur samþykkt endurkröfuna eða sent inn gögn til að mótmæla henni. Ef þú samþykkir hana eða missir frestinn endar málið hér og endurkrafan tapast. Fjármunir eru þá skilaðir til korthafa.

Stig 2: Höfnun endurkröfunnar/málsins (e. Disputed)

Teya sendir gögnin þín til viðkomandi kortafélags. Málinu hefur verið mótmælt og bíður eftir endurskoðun korthafa. Ef korthafi samþykkir mótmæli þín eða tímamörk renna út er málinu þar með lokið.

Stig 3: Korthafi hefur tekið málið lengra (e. Pre-arbitration)

Ef korthafi hafnar mótmælum söluaðila fer málið lengra. Þú getur valið að samþykkja endurkröfuna eða haldið áfram að mótmæla. Þú getur aðeins haldið áfram að mótmæla ef þú hefur uppfyllt öll skilyrði kortafélagsins á fyrra stigi. Ef þú hefur ekki gert það fer málið ekki lengra og endurkrafan verður lokuð í hag korthafa.

Ef þú ákveður að taka málið lengra á þessu stigi verður viðbótargjald upp á 500 EUR lagt á þann aðila sem tapar.

Eftir þetta fær korthafi síðasta tækifærið til að taka málið í gerðardóm eða samþykkja endurkröfuna.

Stig 4: Gerðardómur (e. Arbitration)

Gerðardómur er lokastigið og er meðhöndlað af kortafélaginu. Þetta stig felur í sér viðbótargjöld sem eru lögð á þann aðila sem tapar málinu. Að fara með mál í gerðardóm kostar og hefur sínar áhættur, svo það er ekki alltaf mælt með þessu. Ef þú tapar er endurkrafan dregin af reikningi þínum ásamt 500 EUR viðbótargjaldi.

Hvað gerist þegar ég fæ endurkröfu?

Ef korthafi gerir endurkröfu í gegnum sinn útgáfubanka á fyrirtækið þitt, er færsluupphæðin sjálfkrafa dregin frá uppgjöri þínu. Þessi frádráttur verður sýnilegur í næstu uppgjörsskýrslu.

Þú munt fá sjálfvirkan tölvupóst á netfangið sem þú skráðir hjá Teya þar sem þér er tilkynnt að fyrirtækið þitt hafi fengið endurkröfu. Þessi tölvupóstur mun veita upplýsingar um endurkröfuna og tilkynna þér að upphæðin hafi verið skuldfærð. Þú hefur 7 daga til að svara póstinum og áminningarpóstur verður sendur með 7 dögum til viðbótar ef þörf krefur.

Ef þú vilt mótmæla endurkröfunni verður þú að senda okkur viðeigandi gögn. Teya mun aðstoða þig í deiluferlinu.

Ef mótmælo eru samþykkt er endurkröfuupphæðinni skilað aftur til uppgjörs. 

Hvernig bregst ég við endurkröfu?

Svaraðu tilkynningarpóstinum með nauðsynlegum gögnum til að mótmæla endurkröfunni.

Áður en þú byrjar: Gakktu úr skugga um að öll gögn uppfylli eftirfarandi skilyrði:

• Vistað í JPEG eða PDF formi.
• Ritað á ensku.
• Hafa sem viðhengi með tölvupóstinum, ekki sem vefslóð.

Athugið: Ef þú missir af frestinum eða velur að senda ekki inn skjöl er endurkrafan samþykkt og lokuð. Kortafélagið skilar fjármununum til korthafa.

Af hverju er upphæð endukröfunnar önnur en upprunalega greiðslan?

Teya dregur upphæð færslunnar af reikningi þínum fyrir hönd kortafélaganna. Upphæðin sem dregin er frá reikningi þínum getur verið önnur en upprunalega greiðslan af nokkrum ástæðum.

Algengar ástæður fyrir mismunandi upphæðum:

• Gjaldeyrisviðskipti: Ef greiðslan krefst gjaldeyrisviðskipta mun gengið við kaup líklega vera annað en gengið við endurkröfu.
• Hluti endurgreiðslna: Þú gætir hafa boðið upp á endurgreiðslu að hluta til, en korthafi kærði alla greiðsluna.
• Hlutaendurkröfur: Korthafi kærir aðeins hluta af heildarfærslunni.

Dæmi um gjaldeyrisviðskipti:

1. Kortaeigandi greiðir 20.000 ISK. Við greiðslutímann er gengið þannig að korthafi sér um 120 GBP á yfirliti sínu. Söluaðilinn sér 20.000 ISK á uppgjörsskýrslu sinni.

2. Eftir nokkra daga krefst korthafi endurgreiðslu fyrir þessa færslu að upphæð 120 GBP. Þá hefur gengið breyst (120 GBP = 20.870 ISK). Því fær söluaðilinn nú endurkröfu að upphæð 20.870 ISK.

3. Í þessu tilfelli eru upprunalega greiðslan og endurkrafan sama upphæð í gjaldmiðli kortsins (GBP), en upphæðin sýnd í ISK fyrir söluaðila er önnur vegna gengisbreytinga milli dagsetninganna.